Tímabundin staða skrifstofustjóra á skrifstofu samgangna laus til umsóknar
Samgöngu- og sveitarstjórnarráðuneytið auglýsir laust til umsóknar stöðu skrifstofustjóra á skrifstofu samgangna í ráðuneytinu. Um er að ræða setningu í embættið til eins árs frá 1. febrúar 2021.
Hlutverk skrifstofunnar er að vinna að stefnumörkun er tryggir markmið um greiðar, hagkvæmar, öruggar og umhverfislega sjálfbærar samgöngur á landi, sjó og lofti og að þær stuðli að jákvæðri byggðaþróun.
Skrifstofustjóri leiðir starf skrifstofunnar undir yfirstjórn ráðuneytisstjóra. Leitað er að einstaklingi sem hefur áhuga á samfélaginu, samgöngum og nýsköpun og hefur farsæla reynslu af því að skapa liðsheild og virkja fólk til árangurs.
Umsóknarfrestur er til og með föstudeginum 20. nóvember. Sækja skal um starfið á starfatorg.is.
.jpg)