Nefnd um stofnun miðhálendisþjóðgarðs

Þverpólítísk nefnd um stofnun þjóðgarðs á miðhálendinu var skipuð af umhverfis- og auðlindaráðherra í apríl 2018 í samræmi við stjórnarsáttmála ríkisstjórnarinnar.

Nefndinni er m.a. ætlað að skilgreina mörk þjóðgarðsins og setja fram áherslur um skiptingu landssvæða innan hans í verndarflokka. Þá er henni ætlað að fjalla um hugsanlegar aðkomuleiðir og þjónustumiðstöðvar, svæðisskiptingu og rekstrarsvæði og greina tækifæri með stofnun þjóðgarðs á byggðaþróun og atvinnulíf. Jafnframt er henni ætlað að gera tillögur að helstu áherslum í stjórnunar- og verndaráætlunum og atvinnustefnu fyrir þjóðgarðinn og lagafrumvarpi um þjóðgarðinn, þar sem m.a. er tekin afstaða til stjórnskipulags þjóðgarðsins. Loks skal nefndin setja fram áætlun um fjármögnun fyrir stofnun þjóðgarðs á miðhálendinu.

Nefndin er skipuð eftirfarandi aðilum:

Án tilnefningar
Óli Halldórsson, formaður

Samkvæmt tilnefningu forsætisráðuneytis
Margrét Hallgrímsdóttir

Samkvæmt tilnefningu þingflokks Framsóknarflokksins
Líneik Anna Sævarsdóttir

Samkvæmt tilnefningu þingflokks Samfylkingar
Albertína Friðbjörg Elíasdóttir

Samkvæmt tilnefningu þingflokks Pírata
Halldóra Mogensen

Samkvæmt tilnefningu þingflokks Miðflokksins
Bergþór Ólason

Samkvæmt tilnefningu þingflokks Flokks fólksins
Inga Sæland

Samkvæmt tilnefningu þingflokks Viðreisnar
Hanna Katrín Friðriksson

Samkvæmt tilnefningu þingflokks Vinstrihreyfingar- græns framboðs
Steingrímur J. Sigfússon

Samkvæmt tilnefningu þingflokks Sjálfstæðisflokks
Vilhjálmur Árnason

Samkvæmt tilnefningu Sambands íslenskra sveitarfélaga
Valtýr Valtýsson,
Dagbjört Jónsdóttir

Við störf nefndarinnar verður haft samráð við helstu hagsmunaaðila og almannasamtök, s.s. náttúruverndarsamtök, útvistarsamtök og samtök hagsmunaaðila s.s. í ferðaþjónustu, landbúnaði og orkumálum.

Með nefndinni starfar Steinar Kaldal verkefnisstjóri, starfsmaður umhverfis- og auðlindaráðuneytis. Hægt er að koma ábendingum til nefndarinnar með því að hafa samband við Steinar í gegn um netfangið [email protected].