Hoppa yfir valmynd

Dreifibréf 1/2001 - Foreldraorlof

 Fjármálaráðuneytið
 Starfsmannaskrifstofa
 Nóvember 2001/gós. Uppfært í júlí 2010/skj
 Dreifibréf 1/2001

 FORELDRAORLOF
 Túlkun og framkvæmd laga nr. 95/2000, um
 fæðingar- og foreldraorlof.

 Réttur til orlofstöku en ekki til orlofslauna.

 

Laun frá launagreiðanda falla niður meðan á foreldraorlofi stendur. Fjármálaráðuneytið hefur talið að foreldraorlof væri eins og hvert annað launalaust leyfi og teldist því ekki til starfstíma við mat á starfstengdum réttindum, svo sem rétti til orlofstöku og lengingar orlofs samkvæmt kjarasamningum, starfsaldurshækkana, veikindaréttar, uppsagnarfrests og réttar til atvinnuleysisbóta. Þessi afstaða hefur meðal annars verið kynnt á námskeiði ráðuneytisins um fæðingar- og foreldraorlof og veikindarétt.

Samkvæmt úrskurði úrskurðarnefndar fæðingar- og foreldraorlofsmála ber vinnuveitanda við mat á rétti starfsmanns til orlofstöku að reikna foreldraorlof til starfstíma. Í úrskurðinum var eingöngu fjallað um rétt til orlofstöku en ekki til orlofslauna. Fjármálaráðuneytið telur því eftir sem áður að foreldraorlof teljist ekki til starfstíma við mat á rétti starfsmanns til orlofslauna. Í þessu sambandi er rétt að taka fram að um ávinnslu orlofslauna meðan á foreldraorlofi stendur hefur ekki verið samið í kjarasamningum.

Úrskurðir úrskurðarnefndarinnar eru birtir á vefsíðu félagsmálaráðuneytis og á Réttarheimildarvefnum. Umræddur úrskurður var kveðinn upp þann 17. september 2001 (mál nr. 8/2001).

Samkvæmt framansögðu ávinnur ríkisstarfsmaður sér rétt til orlofstöku meðan á foreldraorlofi stendur. Hann ávinnur sér aftur á móti ekki rétt til orlofslauna.

------------------------------------------
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira