Hoppa yfir valmynd

Starfsleyfi

Félög, félagasamtök, sjálfseignarstofnanir og aðrir þjónustu- og rekstraraðilar sem veita eða hyggjast veita þjónustu samkvæmt lögum um þjónustu við fatlað fólk með langvarandi stuðningsþarfir eða samkvæmt lögum um félagsþjónustu sveitarfélaga, þurfa að afla starfsleyfis félagsmálaráðuneytisins. Gæða- og eftirlitsstofnun félagsþjónustu og barnaverndar sér um útgáfu starfsleyfanna.

Fjallað er um skilyrði starfsleyfa í reglugerð nr. 1033/2018 um starfsleyfi til félagasamtaka, sjálfseignarstofnana og annarra þjónustu og rekstraraðila sem veita þjónustu við fatlað fólk og reglugerð nr. 1034/2018 um starfsleyfi til félaga, félagasamtaka, sjálfseignarstofnana og annarra einkaaðila sem veita félagsþjónustu.

Rekstaraðilar þurfa að sækja um starfsleyfi fyrir 27. maí 2019.

Þeir rekstraraðilar sem voru í rekstri við gildistöku nýrra laga um þjónustu við fatlað fólk og breytinga á lögum um félagsþjónustu sveitarfélaga þann 1. október 2018 ber að sækja  um starfsleyfi innan 6 mánaða frá gildistöku reglugerðanna, eða fyrir lok maí 2019. 

Umsóknareyðublöð eru aðgengileg á eyðublaðavef Stjórnarráðsins.

Frekari upplýsingar eru veittar hjá Gæða- og eftirlitsstofnun félagsþjónustu og barnaverndar.

Spurt og svarað um starfsleyfi

Hægt er að skoða umsókn sem hefur verið send. Þá er farið inn á umsóknarvefinn og notað sama auðkenni (notendanafn og lykilorða eða rafræn skilríki) og notað var þegar umsóknin var send. Þar er valinn flipinn Mín mál, sbr. myndina.

Mínar síður - skjáskot

Þegar sótt er um starfsleyfi fyrir umsýslu vegna framkvæmdar NPA samnings þarf að skila:

Gögn sem þurfa að fylgja umsókn eru:

  • Ef starfrækja á félag um starfsemina þá þurfa samþykktir félagsins að fylgja.
  • Ef fjármagna á reksturinn með opinberu fé á grundvelli samnings/samninga er æskilegt að viðræður hafi farið fram við sveitarfélag/sveitarfélög. Skila þarf inn yfirlýsingu frá sveitarfélagi/sveitarfélögum um að þörf sé á þjónustuúrræðinu og viljayfirlýsingu um að samið verði við félagið um þjónustu við íbúa þess þegar/ef starfsleyfi fæst.
  • Upplýsingar um fyrirhugað húsnæði eða hvort félagið hafi augastað á húsnæði sem uppfylli kröfur fyrirhugaðrar starfsemi.
  • Áætlun um (hámarks)fjölda barna/ungmenna sem nýtir sér þjónustuna hverju sinni.
  • Áætlun um starfsmannahald, þ.e. fjölda stöðugilda og starfsfólks, ásamt hæfniskröfum.
  • Drög að áhættumati fyrir starfsemina, sjá vinnueftirlit.is.
  • Sakavottorð forsvarsmanns t.d. stjórnarformanns ef um félag er að ræða eða framkvæmdastjóra. Sjá á vefsvæði Sýslumanns.

Á síðari stigum umsóknarferilsins kann að vera að óskað verði frekari gagna.

Gögn sem þurfa að fylgja umsókn eru:

  • Ef starfrækja á félag um starfsemina þá þurfa samþykktir félagsins að fylgja.
  • Ef fjármagna á reksturinn með opinberu fé á grundvelli samnings/samninga er æskilegt að viðræður hafi farið fram við sveitarfélag/sveitarfélög. Skila þarf inn yfirlýsingu frá sveitarfélagi/sveitarfélögum um að þörf sé á þjónustuúrræðinu og viljayfirlýsingu um að samið verði við félagið um þjónustu við íbúa þess þegar/ef starfsleyfi fæst.
  • Upplýsingar um fyrirhugað húsnæði eða hvort félagið hafi augastað á húsnæði sem uppfylli kröfur fyrirhugaðrar starfsemi.
  • Áætlun um (hámarks)fjölda einstaklinga sem nýtir sér þjónustuna hverju sinni.
  • Áætlun um starfsmannahald, þ.e. fjölda stöðugilda og starfsfólks, ásamt hæfniskröfum.
  • Drög að áhættumati fyrir starfsemina, sjá vinnueftirlit.is.
  • Sakavottorð forsvarsmanns t.d. stjórnarformanns ef um félag er að ræða eða framkvæmdastjóra. Sjá á vefsvæði Sýslumanns.

Á síðari stigum umsóknarferilsins kann að vera að óskað verði frekari gagna.

Einstaklingar sem hyggjast sinna stuðningsþjónustu skv. lögum um félagsþjónustu sveitarfélaga nr. 40/1991 og/eða stoðþjónustu skv. lögum um þjónustu við fatlað fólk með langvarandi stuðningsþarfir, nr. 38/2018 á grundvelli verktakasamnings, þurfa að skila eftirfarandi gögnum og upplýsingum:

Sakavottorð umsækjanda. Sjá upplýsingar hjá sýslumönnum.

Drög að verktakasamningi. Þar sem tiltölulega stutt er síðan lögunum var breytt á þann veg að þjónusta einkaaðila sem sinna þjónustu skv. þeim var gerð starfsleyfisskyld getur verið að skila þurfi verktakasamningi ef einstaklingur sinnir nú þegar slíkri þjónustu.

Dæmi um áhættumat vegna þeirra sem koma til með að njóta þjónustu umsækjanda. Á vefsvæði Vinnueftirlitsins eru leiðbeinandi viðmið um áhættumat vegna NPA þjónustu sem einnig má nota í  heimaþjónustu. Frekari upplýsingar má finna á vefsvæði Vinnueftirlitsins.

Umsækjanda er ekki skylt að vinna sjálfur áhættumat ef samningsaðili hans hefur nú þegar gert áhættumat fyrir þá einstaklinga sem umsækjandi mun sinna þjónustu við. Í þeim tilvikum skal upplýsa um það og hvort nú þegar sé unnið samkvæmt því.

Ferilskrá umsækjanda.

Upplýsingar um í hvaða sveitarfélagi/sveitarfélögum sótt er um leyfi til að sinna þjónustunni.

Vera kann að óskað verði eftir frekari gögnum við vinnslu umsóknarinnar.

Þegar um er að ræða starfsleyfi fyrir umsýslu vegna framkvæmdar NPA samnings, þá er starfsstöðin heimili einstaklingsins sem fær þjónustuna.

Þegar það liggur fyrir samkomulag um úthlutun vinnustunda vegna samnings um notandastýrða persónulega aðstoð er hægt að sækja um starfsleyfi til að hafa umsýslu með framkvæmd samningsins. Samkomulagið skal þá vera undirritað af fulltrúa sveitarfélags og notanda eða fulltrúa notanda ef notandi er ólögráða eða er ekki fær um skrifa undir sjálfur.

Það er bara nauðsynlegt að fylla út upplýsingar um forsvarsmann þegar það er rekstraraðili sem er með sérstaka kennitölu fyrir reksturinn sem sækir um starfsleyfi, það er t.d. einkahlutafélag eða sjálfseignarstofnun. Ef einstaklingur sækir um starfsleyfi, t.d. vegna umsýslu með NPA samningi þarf ekki að fylla út upplýsingar um forsvarsmann. Forsvarsmaður og umsækjandi eru þá sami aðilinn.

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira