Hoppa yfir valmynd

Menning

Sendiráð gegna mikilvægu hlutverki á sviði menningar.  Sendiráðið gætir lögum samkvæmt menningarhagsmuna Íslands erlendis, miðlar og fræðir um íslenskan menningararf og samtímamenningu, skipuleggur menningarviðburði gjarnan í samstarfi við menningarstofnanir og kynningarmiðstöðvar,  styður við viðskiptatækifæri á sviði skapandi greina, er bakhjarl listafólks og annarra fulltrúa íslensks menningarlífs,  kemur á tengslum, miðlar upplýsingum um listviðburði á heimasíðu og til tengiliða sendiráðsins.  

Sendiráðin byggja starfsemi sína á árlegum menningaráætlunum en verkefni spretta upp árið um kring og leitast sendiráðið við að koma upplýsingum á framfæri eða styðja við með öðrum hætti. Menningarstarf sendiráðsins er fjármagnað af utanríkisráðuneyti og mennta- og menningarmálaráðuneyti,  opinberum og hálfopinerum stofnunum og fyrirtækjum, íslenskum og erlendum.

Framlag til norsk-íslensks menningarsamstarfs: Þeir sem starfa á sviði lista og menningar í Noregi og á Íslandi geta sótt um styrki til samstarfsverkefna sem stuðla að fjörbreytilegu samstarfi á því sviði og koma á varanlegum tengslum milli listamanna, þeirra sem starfa að menningarmálum og menningarstofnana í báðum löndum. Norska menningarráðið (Norsk kulturråd) og mennta- og menningarmálaráðuneyti taka umsóknir til umfjöllunar.

 

Þér er velkomið að hafa samband við sendiráðið vanti þig frekari upplýsingar eða þjónustu.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum