Kosningaeftirlit
Íslensk stjórnvöld hafa á undanförnum árum lagt til fjölda fólks í lengri og skemmri tíma í kosningaeftirlit alþjóðastofnana, einkanlega á vegum lýðræðis- og mannréttindaskrifstofu Öryggis- og samvinnustofnunar Evrópu ÖSE (ODIHR).
Kosningaeftirlitinu er ætlað að tryggja frjálsar og lýðræðislegar kosningar í aðildarríkjum ÖSE, einkanlega í austurhluta ÖSE-svæðisins. Kosningaeftirlit ODIHR hefur verið afar mikilvægt fyrir eflingu lýðræðis og lýðræðislegra stofnana í aðildarríkjum ÖSE.
Íslendingar hafa tekið þátt í eftirliti með forsetakosningum og þingkosningum í allnokkrum ríkum Austur-Evrópu og Vestur-Asíu.
Til þess að koma til greina fyrir kosningaeftirlit á vegum Íslensku friðargæslunnar, þarf að sækja um skráningu á viðbragðslista friðargæslunnar, sem og á viðbragðslista ÖSE. Í viðbragðslista ÖSE þarf að veita íslenskum yfirvöldum aðgang að skráningunni.
Sjá einnig:
Lög
Reglugerðir
Áhugavert
Framlög
Íslenska friðargæslan
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.