Mál nr. 30/2018 Úrskurður 26. júní 2018
Mál nr. 30/2018 Millinafn: Ram
Hinn 26. júní 2018 kveður mannanafnanefnd upp svohljóðandi úrskurð í máli 30/2018, en erindið barst nefndinni 2. maí og var fyrst tekið fyrir 22. maí en afgreiðslu þess frestað.
Til þess að hægt sé að samþykkja nýtt millinafn og færa það á mannanafnaskrá þurfa öll skilyrði 6. gr. laga nr. 45/1996 um mannanöfn að vera uppfyllt. Skilyrðin eru þessi:
-
Millinafn skal dregið af íslenskum orðstofnum eða hafa unnið sér hefð í íslensku máli en má þó ekki hafa nefnifallsendingu.
-
Nöfn, sem aðeins hafa unnið sér hefð sem annaðhvort eiginnöfn karla eða eiginnöfn kvenna, eru ekki heimil sem millinöfn.
-
Millinafn skal ritað í samræmi við almennar ritreglur íslensks máls nema hefð sé fyrir öðrum rithætti þess.
-
Millinafn má ekki vera þannig að það geti orðið nafnbera til ama.
Millinafnið Ram telst ekki dregið af íslenskum orðstofni og fullnægir þess vegna ekki ákvæði 2. mgr. 6. gr. fyrrnefndra laga.