Húsnæðismál

Íbúðalánasjóður annast stjórn og framkvæmd húsnæðismála í umboði velferðarráðherra.

Sveitarstjórn ber ábyrgð á og hefur frumkvæði að því að leysa húsnæðisþörf þess fólks í sveitarfélaginu sem þarfnast aðstoðar við húsnæðisöflun. Húsnæðisnefndir sveitarfélaga fara með stjórn og samræmingu húsnæðismála á vegum sveitarfélags.

Úrskurðarnefnd félagsþjónustu og húsnæðismála sker úr ágreiningsmálum er kunna að rísa vegna ákvarðanatöku Íbúðalánasjóðs og húsnæðisnefnda en einnig vegna ákvarðanatöku félagsmálanefnda.

Ráðherra skipar kærunefnd húsamála sem leysir úr ágreiningi leigjenda og leigusala, eigenda í fjöleignarhúsi. Enn fremur er heimilit að vísa til hennar ágreiningsefnum sem upp kunna að koma í frístundabygg, t.d. á milli leigjenda og leigutaka lóða undir frístundahús.

Sveitarfélög greiða húsaleigubætur og annast félagsmálanefndir að jafnaði afgreiðslu umsókna. Á vef ráðuneytisins er boðið upp á reiknivél fyrir húsaleigubætur.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn