Um velferðarráðuneytið

Velferðarráðuneytið tók formlega til starfa 1. janúar 2011 eftir sameiningu heilbrigðisráðuneytis og félags- og tryggingamálaráðuneytis. Það er staðsett á þriðju og fjórðu hæð í Hafnarhúsinu við Tryggvagötu í sama húsi og Listasafn Reykjavíkur (flutti að Skógarhlíð 6 í byrjun árs 2017). Afgreiðslan er opin alla virka daga frá klukkan 8:30 til 16:00. Senda má fyrirspurnir til ráðuneytisins á netfangið [email protected] Netföng starfsmanna ráðuneytisins má finna undir flipanum „Ráðuneyti” hér efst á vefsíðunni.

Stofnanir ráðuneytisins eru fjölmargar. Má þar nefna heilsugæslustöðvar, heilbrigðisstofnanir, öldrunarstofnanir og stjórnsýslustofnanir. Lesa má um þessar stofnanir undir flipanum „Stofnanir” á vinstri stiku á forsíðu vefsins.

Verkefni ráðuneytisins eru skilgreind í forsetaúrskurði um skiptingu stjórnarmálefna milli ráðuneyta í Stjórnarráði Íslands og varða:

A. Velferðar- og fjölskyldumál, þar á meðal:

  • Félagsþjónustu sveitarfélaga.
  • Málefni fatlaðs fólks.
  • Barnavernd.
  • Málefni aldraðra.
  • Málefni innflytjenda og flóttafólks.
  • Lífeyristryggingar almannatrygginga.
  • Slysatryggingar almannatrygginga.
  • Félagslega aðstoð.
  • Skuldamál heimilanna.
  • Sjúklingatryggingu.
  • Málefni langveikra og alvarlega fatlaðra barna.
  • Ættleiðingarstyrki.
  • Fjárhagsaðstoð við lifandi líffæragjafa.

B. Heilbrigðismál, þar á meðal:

  • Heilbrigðisþjónustu.
  • Sjúkratryggingar.
  • Málefni sjúklinga.
  • Lýðheilsu og forvarnir.
  • Sóttvarnir.
  • Geislavarnir.
  • Heilsugæslu.
  • Sjúkrahús og heilbrigðisstofnanir.
  • Uppbyggingu og þjónustu á hjúkrunarheimilum.
  • Endurhæfingarstarfsemi og meðferðarstofnanir.
  • Lyf.
  • Ávana- og fíkniefni.
  • Lækningatæki.
  • Brottnám líffæra.
  • Lífsýnasöfn.
  • Sjúkraskrár og gagnasöfn á heilbrigðissviði.
  • Tæknifrjóvgun.
  • Lífvísindi, þ.m.t. vísindarannsóknir á heilbrigðissviði.
  • Ákvörðun dauða.
  • Starfsréttindi í heilbrigðisþjónustu og löggildingu starfsheita í heilbrigðisgreinum.
  • Málefni græðara.

C. Húsnæði, þar á meðal:

  • Íbúðalán
  • Húsaleigumál, þ.m.t. stuðningsaðgerðir við uppbyggingu félagslegra leiguíbúða á vegum sveitarfélaga og félagasamtaka og húsaleigubætur.
  • Húsnæðissamvinnufélög, byggingarsamvinnufélög og fjöleignarhús.
  • Frístundabyggð og leigu lóða undir frístundabyggð.

D. Vinnumarkað, þar á meðal:

  • Réttindi og skyldur á vinnumarkaði, þ.m.t. orlof, starfsmenn í hlutastörfum, tímabundnar ráðningar, hópuppsagnir, starfsmannaleigur og samskipti við aðila vinnumarkaðarins.
  • Félagsdóm.
  • Félagsmálaskóla alþýðu.
  • Sáttastörf í vinnudeilum.
  • Aðbúnað, hollustuhætti og öryggi á vinnustöðum.
  • Vinnustaðaskírteini og eftirlit á vinnustöðum.
  • Vinnumarkaðsaðgerðir, þ.m.t. vinnumiðlun, mat á vinnufærni atvinnuleitenda, skipulag vinnumarkaðsúrræða og atvinnutengda endurhæfingu.
  • Atvinnuleysistryggingar.
  • Atvinnuréttindi útlendinga.
  • Ábyrgð á launum við gjaldþrot.
  • Fæðingar- og foreldraorlof.

E. Jafnréttismál.

Nánar er fjallað um helstu verkefni undir flipanum „Verkefni efst“ á vefsíðunni.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn