Heimasendiherrar

Heimasendiherrar hafa starfað í utanríkisráðuneytinu í rúma fjóra áratugi en í kjölfar skýrslunnar Utanríkisþjónusta til framtíðar var ákveðið að styrkja þennan þátt starfseminnar. Með nýjum forsetaúrskurði var fyrirsvar gagnvart mörgum ríkjum flutt til Íslands og sett í hendur reyndra sendiherra sem sinna munu þessum ríkjum frá Íslandi. Heimasendiherrar sinna einnig ákveðnum málaflokkum svo þau megi mynda sterkari tengsl við íslenska hagsmunaaðila og atvinnulíf og efla viðskiptatengsl, nýsköpun og ímynd landsins. Sex heimasendiherrar eru nú við störf í deildinni og sinna þeir fjölmörgum ríkjum, en auk þess mikilvægum málaflokkum, eins og afvopnunarmálum, jarðhitamálum og jafnréttismálum.