Hoppa yfir valmynd
16. ágúst 2012 Fjármála- og efnahagsráðuneytið

Streiti í Breiðdalshreppi til leigu

Ath. uppfært 25. október 2012, búið er að velja einn umsækjanda.

Sjávarútvegs- og landbúnaðarráðuneytið auglýsir til leigu frá 1. október 2012 ríkis- og eyðijörðina Streiti í Breiðdalshreppi, 760 Breiðdalsvík, til slægna, beitar og/eða akuryrkju. Leigutími er 10 ár.

Á jörðinni eru ekki aðrar fasteignir en eitt geymsluhús. Nýtanlegt land er áætlað um 300 ha. Jörðin er talin u.þ.b. 850 ha.
Enginn framleiðsluréttur fylgir með í leigunni.
Umsóknarfrestur er til 14. september 2012.

Sjávarútvegs- og landbúnaðarráðuneytið auglýsir til leigu ríkis- og eyðijörðina Streiti, landnr. 158986, í Breiðdalshreppi. Um er að ræða 10 ára leigutíma. Umsóknarfrestur er til 14. september nk.  Ekkert greiðslumark fylgir með í leigunni.

Jörðin:

Ríkis- og eyðijörðin Streiti er eina jörðin í Breiðdalshreppi sem er sunnan fjallgarðsins milli Berufjarðar og Breiðdals, um hana liggur þjóðvegur nr. 1.
Heildarlandstærð liggur ekki fyrir, strandlengjan er um 6,5 km og áætlað hefur verið að unnt sé að nýta 300 ha til hefðbundins landbúnaðar, jörðin mun einnig eiga upprekstur í Krossdal og möguleikar eiga að vera fyrir hendi til að hlúa að æðarvarpi.
Streiti var tvíbýli á sínum tíma, en hefur verið í eyði frá árinu 1983, nágrannabóndi fékk hana formlega til leigu árið 1987, en úttekt hefur farið fram og jörðin er laus til ráðstöfunar.  
Þarna voru gömul og léleg hús, sem búið er að urða, eina húsið sem er uppistandandi er gömul geymsla (76 fm, áður íbúðarhús), tún eru að mestu ónýt.
Ef leigutaki ákveður að rækta/endurrækta tún á leigutímanum, þarf hann sjálfur að kosta þá framkvæmd, sem og uppgröft skurða o.þ.h.  Leigusali mun ekki greiða fyrir slíkar endurbætur við lok leigutíma.  Ef grafa þarf upp úr landamerkjaskurðum eða setja upp landamerkjagirðingar, ber leigutaka að greiða helming kostnaðar á móti eigendum aðliggjandi jarða, sbr. 5. gr. girðingalaga nr. 135/2001.  Fyrir liggur að við lok leigutíma mun, ef ástæða er til, fara fram úttekt skv. V. kafla ábúðarlaga nr. 80/2004 sem landeigandi og leigutaki greiða sameiginlega fyrir og þá verða hugsanlegar framkvæmdir leigutaka vegna landamerkja metnar og fyrir þær greitt.
Verði samkomulag um t.d. uppsetningu á "lausri" aðstöðubyggingu, þarf að fjarlægja hana við lok leigutíma.

Leigugjald:  

Reglur ráðuneytisins um leigugjald má finna á heimasíðu ráðuneytisins. Í þessu tilviki miðast ársleigan við 2. gr. reglnanna og ef miðað er við 300 ha hektara nýtanlegs lands verður ársleigan um 480.000,- og tekur síðan breytingum m.v. byggingavísitölu.  

Val á umsækjenda:  
Ráðuneytið tekur mið af landbúnaðarhagsmunum, eftirfarandi atriði eru metin sérstaklega:
1)  Menntun á sviði landbúnaðar og önnur hagnýt menntun.
2)  Starfsreynsla í landbúnaði.
3)  Að áform umsækjenda um framtíðarnýtingu jarðarinnar teljist raunhæf að teknu tilliti til staðhátta.  
Auk þessa getur ráðuneytið óskað eftir fjárhagslegum upplýsingum frá umsækjendum.

Vakin er athygli á að liður nr. 5 á umsóknareyðublaði um „kaup á eignum fráfarandi ábúanda“, á ekki við í þessu tilviki.

Fyrirspurnir sendist á netfangið [email protected], upplýsingar eru einnig veittar í síma 545 9200.

Umsóknareyðublað um ábúð/leigu á ríkisjörð
(Word-form)

Umsóknareyðublað um ábúð/leigu á ríkisjörð (pdf-form)

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira