Hoppa yfir valmynd
16. apríl 2013 Fjármála- og efnahagsráðuneytið

Fellsás í Breiðdalshreppi

Fjármála- og efnahagsráðuneytið auglýsir til ábúðar ríkisjörðina Fellsás, landnr. 158954, 760 Breiðdalsvík, í sveitarfélaginu Breiðdalshreppi frá 1. júní 2013.


Ath. uppfært 10. júní 2013, búið er að velja einn umsækjanda.


Um er að ræða lífstíðarábúð. Umsóknarfrestur er til 10. maí nk. 

Ekkert greiðslumark fylgir með í leigunni.

Á jörðinni er íbúðarhús í þokkalegu ástandi,  útihúsin eru hins vegar léleg.

Samkvæmt fasteignaskrá er ræktað land 35,5 ha, en samkvæmt mælingu á loftmynd eru túnin talin 24,85 ha.

Jörðin:

Ríkisjörðin Fellsás er talin 135 ha að stærð og er staðsett við hringveginn, neðarlega í Breiðdalnum.
Formlegri ábúð lauk í árslok 2012.

Fasteignir á jörðinni eru eftirfarandi:

  • Íbúðarhús er á tveimur hæðum, 137,4 m2, byggt árið 1955.
  • Fjós, 173,6 m2, byggt árið 1961.
  • Fjárhús, 59,5 m2, byggt árið 1958.
  • Hlaða, 201 m2, byggð árið 1958.
  • Votheysturn 6,4 m2, byggður 1962.
  • Mjólkurhús, 62,0 m2, byggt 1966.
  • Bílskúr, 36,1 m2, byggður 1955.
  • Einnig fylgir 0,8 % veiðiréttur í Breiðdalsá.

Leigugjald:  

Reglur ráðuneytisins um leigugjald má finna á heimasíðu ráðuneytisins. Í þessu tilviki miðast ársleigan við 1. gr. reglnanna, en þar stendur að grunnleigugjald skuli vera 3,25 % af matsliðum í eigu ríkisins  í fasteignamati og 2% af öðrum eignum sem ekki eru í fasteignamati, en verðlagðar hafa verið í úttekt eða með sambærilegum hætti.  Einnig að afgjaldið taki breytingum í samræmi við byggingavísitölu.

Ársleigan verður skv. þessu u.þ.b. kr. 450.000,- að því gefnu að nýr ábúandi kaupi ekki eignir.

Val á umsækjanda:  

Ráðuneytið tekur mið af landbúnaðarhagsmunum, eftirfarandi atriði eru metin sérstaklega:

  1. Menntun á sviði landbúnaðar og önnur hagnýt menntun.
  2. Starfsreynsla í landbúnaði.
  3. Að áform umsækjenda um framtíðarnýtingu jarðarinnar teljist raunhæf að teknu tilliti til staðhátta.  

Auk þessa getur ráðuneytið óskað eftir fjárhagslegum upplýsingum frá umsækjendum.

Vakin er athygli á að liður nr. 5 á umsóknareyðublaði um „kaup á eignum fráfarandi ábúanda“, á ekki við í þessu tilviki, ef samið verður um slík viðskipti, þarf að afla heimildar í fjárlögum.

Fyrirspurnir sendist á netfangið [email protected], upplýsingar eru einnig veittar í síma 545 9200.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira