Hoppa yfir valmynd
20. ágúst 2013 Fjármála- og efnahagsráðuneytið

Gilsárstekkur í Breiðdalshreppi auglýst til ábúðar

Fjármála- og efnahagsráðuneytið auglýsir frá 1. október 2013 til ábúðar ríkisjörðina Gilsárstekk, landnr. 158957, í sveitarfélaginu Breiðdalshreppi, 760 Breiðdalsvík, til lífstíðarábúðar.


Ath. uppfært 30. október 2013, búið er að velja einn umsækjanda.

Umsóknarfrestur er til og með 10. september nk.  


Greiðslumark jarðarinnar er 217,4 ærgildi og fylgir með í leigunni.

Á jörðinni er gamalt íbúðarhús, það er í þokkalegu ástandi m.v. aldur, útihúsin eru sum gömul og léleg, önnur í góðu lagi og umgengni ágæt. Ræktað land er talið 22 ha. Hlutur Gilsárstekks í Breiðdalsá er skv. fasteignamati 3,2 %.

Ríkisjörðin Gilsárstekkur er talin u.þ.b. 1100 ha. að stærð, vel gróin og falleg.  Hún er staðsett í Norðurdal. Formlegri ábúð lauk vorið 2013.

Fasteignir á jörðinni eru eftirfarandi:

  • Íbúðarhús á tveimur hæðum, 87,8 m2, 229,0 m3, byggt árið 1939,   
  • Fjós, 36,8 m2, byggt árið 1952.
  • Hlaða, 40,2 m2, byggð árið 1952.
  • Alifuglahús, 9 m2, byggt árið 1952.
  • Hjallur, 12,8 m2, byggður árið 1940.
  • Geymsla, 14,0 m2, byggð árið 1952.
  • Haughús, 17,5 m2, byggt árið 1952.
  • Véla- og verkfærageymsla, 46 m2, byggð árið 1948.
  • Hesthús, 20 m2, byggt árið 1952.
  • Hlaða, 162,8 m2, byggð árið 1975.
  • Fjárhús með áburðarkjallara, 394,0 m3, byggt árið 1977.
  • Vélageymsla, óskráð, 135 m2, byggð árið 1985.

Áhugasamir umsækjendur fá tækifæri til að skoða hús og aðstæður laugardagana 31. ágúst nk. og 7. september nk. kl. 17-19.

Leigugjald:  

Reglur ráðuneytisins um leigugjald má finna á heimasíðu ráðuneytisins. Í þessu tilviki miðast ársleigan við 1. gr. reglnanna, en þar stendur að grunnleigugjald skuli vera 3,25 % af matsliðum í eigu ríkisins  í fasteignamati og 2% af öðrum eignum sem ekki eru í fasteignamati, en verðlagðar hafa verið í úttekt eða með sambærilegum hætti.  Einnig að afgjaldið taki breytingum í samræmi við byggingavísitölu.
Ársleigan verður skv. þessu u.þ.b. kr. 500.000,- að því gefnu að nýr ábúandi kaupi ekki eignir.
Ábúandi greiðir einnig fasteignagjöld og brunatryggingar.

Riða:

Síðast kom upp riða á Gilsárstekk árið 2005.
Staðfest var árið 2009 að allri sóthreinsun innan húss væri lokið.  Þau hús sem um ræðir hafa staðið ónotuð síðan (fjárhús byggt 1977 og hlaða byggð 1975).
Heimilað var að dreifa skít á tiltekin tún jarðarinnar, enda yrði sauðfé ekki sleppt á þau tún aftur, nema að þau yrðu endurunnin áður.  Krafa er gerð um að nýr ábúandi endurvinni þessi tún vorið 2014.

Val á umsækjanda:  

Ráðuneytið tekur mið af landbúnaðarhagsmunum, eftirfarandi atriði eru metin sérstaklega:
1)  Menntun á sviði landbúnaðar og önnur hagnýt menntun.
2)  Starfsreynsla í landbúnaði.
3)  Að áform umsækjenda um framtíðarnýtingu jarðarinnar teljist raunhæf að teknu tilliti til staðhátta.  
Auk þessa getur ráðuneytið óskað eftir fjárhagslegum upplýsingum frá umsækjendum.

Vakin er athygli á að liður nr. 5 á umsóknareyðublaði um „kaup á eignum fráfarandi ábúanda“, á ekki við í þessu tilviki.  Ef samið verður um slík viðskipti, þarf að afla heimildar í fjárlögum.

Fyrirspurnir sendist á netfangið [email protected], upplýsingar eru einnig veittar í síma 545 9200.

Umsóknir skulu berast fjármála- og efnahagsráðuneytinu, Arnarhvoli, 150 Rvk eða á netfangið [email protected]

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira