Upplýsingafulltrúi

Mennta- og menningarmálaráðuneytið óskar að ráða upplýsingafulltrúa til starfa.

Upplýsingafulltrúi ber ábyrgð á fjölmiðlatengslum, samfélagsmiðlum og ritstýrir vef og ársriti ráðuneytisins.

Helstu verkefni

• Umsjón með fjölmiðlasamskiptum ráðuneytisins, svör við fyrirspurnum innlendra og erlendra fjölmiðla, gerð fréttatilkynninga o.fl.
• Ritstjórn og dagleg umsjón á vef ráðuneytisins og samfélagsmiðlum.
• Umsjón með ritun og útgáfu ársrits.
• Umsjón með ráðgjöf og aðstoð til starfsfólks vegna kynningar-, fræðslu- og útgáfumála.
• Aðstoð við framkvæmd viðburða á vegum ráðuneytisins.

Kröfur til umsækjenda:

• Háskólapróf í fagi sem nýtist í starfi.
• Reynsla af blaða/fréttamennsku.
• Staðgóð þekking og áhugi á mennta- og menningarmálum.
• Mjög gott vald á íslensku og ensku og færni til að tjá sig í ræðu og riti.
• Færni í notkun samfélagsmiðla.
• Færni í ljósmyndun/myndatöku.
• Geta til að vinna hratt og undir álagi.
• Frumkvæði, ábyrgð, samskiptalipurð og góð framkoma.
• Umsækjandi þarf að geta unnið sveigjanlegan vinnutíma.

Launakjör eru samkvæmt kjarasamningi Félags háskólamenntaðra starfsmanna Stjórnarráðsins og fjármála- og efnahagsráðherra.

Umsóknarfrestur er til og með 5 janúar 2018

Umsóknir skulu berast á netfangið [email protected], merkt „Upplýsingafulltrúi 2018".

Ráðuneytið hvetur konur jafnt sem karla til að sækja um. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veitir Jens Pétur Hjaltested í síma 545 9500, [email protected]