Hoppa yfir valmynd
7. desember 2018 Mennta- og menningarmálaráðuneytið

Styrkir úr Sprotasjóði

Mennta- og menningarmálaráðuneytið auglýsir eftir umsóknum um styrki úr Sprotasjóði leik-, grunn- og framhaldsskóla vegna skólaársins 2019-2020. Hlutverk sjóðsins er að styðja við þróun og nýjungar í skólastarfi.

Í 4 gr. reglugerðar nr. 242/2009 um Sprotasjóð leik-, grunn- og framhaldsskóla segir:
„Leikskólastjórar, skólastjórar eða skólameistarar fyrir hönd skóla, kennarahópa eða einstakra kennara geta sent inn umsókn. Aðrir aðilar en skólar geta sótt um þróunarverkefni í samstarfi við skóla. Í þeim tilfellum skal staðfesting á þátttöku skóla fylgja umsókn.“

Áherslusvið sjóðsins verða að þessu sinni:
· Efling íslenskrar tungu  verkefnin styrki tungumálið, efli orðaforða og hugtakaskilning.
· Lærdómssamfélag í samvinnu innan eða milli kerfa  verkefnin fylgi eftir úttekt menntastefnunnar „Menntun fyrir alla“.
· Færni til framtíðar  verkefnin efli samskiptahæfni, skapandi hugsun, list-, verk- og tækniþekkingu.

Umsóknir sem falla utan ofannefndra áherslusviða fá sérstaka umfjöllun í ljósi áhrifa verkefna á menntun og skólastarf. Við mat á umsóknum verður skoðað hvernig verkefnin falla að hlutverki Sprotasjóðs ásamt því að markmið verkefnis séu skýrt fram sett, að verkefnisstjórn sé vel skilgreind, að raunhæfar kostnaðar-, verk- og tímaáætlanir séu lagðar fram og að framlag samstarfsaðila sé tryggt og vel skilgreint.

Stjórn Sprotasjóðs gengur út frá að í þeim verkefnum sem hljóti styrk beinist áhersla að þátttöku nemenda. Samstarf milli skóla og stofnana styrkir umsóknir. Til greina kemur að styrkja verkefni til tveggja ára. Þeim umsóknum skal fylgja fjárhagsáætlun fyrir hvort skólaár.

Fyrir skólaárið 2019 - 2020 verða til úthlutunar allt að 59 milljónum kr.

Vakin er sérstök athygli á að umsóknir um styrki skulu vera á rafrænu formi. Sækja þarf um aðgang að umsóknavef Sprotasjóðs, www.sprotasjodur.is. Þar má einnig finna frekari upplýsingar um áherslusvið og úthlutunarreglur sjóðsins. Nánari upplýsingar um Sprotasjóð veitir Sigrún Vésteinsdóttir hjá Rannsókna- og þróunarmiðstöð Háskólans á Akureyri í síma 460-8904 eða í tölvupósti á [email protected].

Tekið verður á móti umsóknum frá 10. desember til 1. febrúar 2019.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira