Hoppa yfir valmynd
1. júní 2019 Mennta- og menningarmálaráðuneytið

Embætti skrifstofustjóra stefnumótunar og fjárlaga

Mennta- og menningarmálaráðuneytið auglýsir laust til umsóknar embætti skrifstofustjóra stefnumótunar og fjárlaga á aðalskrifstofu ráðuneytisins.

Helstu verkefni skrifstofunnar:

· Fjárlagagerð og fimm ára fjármálaáætlun fyrir málefnasvið ráðuneytisins samkvæmt lögum um opinber fjármál.
· Eftirlit með fjárskuldbindingum og samræmingu þeirra við stefnur, áætlanir og heimildir.
· Vinnuferli við mótun stefnu ráðherra og áætlanir um framkvæmd þeirra.
· Samræming, söfnun og miðlun upplýsinga vegna stefnumótunar og árangursmats á málefnasviðum.
· Kynjuð fjárlagagerð og yfirumsjón með jafnréttismálum á málefnasviðum ráðuneytisins.

Hlutverk skrifstofustjóra er að leiða starf skrifstofunnar. Skrifstofustjóri ber ábyrgð á stefnumótun, að framfylgja markmiðum og stýra daglegum störfum skrifstofunnar. Hann/hún stuðlar að faglegri og metnaðarfullri starfsemi í almannaþágu.

Menntunar- og hæfniskröfur:
· Háskólapróf á sviði viðskipta- og/eða hagfræði eða önnur menntun sem nýtist í starfi.
· Reynsla af störfum innan stjórnsýslunnar.
· Víðtæk þekking og reynsla á sviði fjármálaáætlana og rekstrar.
· Þekking á lögum um opinber fjármál.
· Stjórnunarreynsla auk þekkingar á kynjaðri fjárlagagerð.
· Forystu-, samskipta- og skipulagshæfni.
· Frumkvæði, samskiptalipurð, hæfni í teymisvinnu og geta til þess að vinna undir álagi.
· Góð íslensku- og enskukunnátta. Kunnátta í Norðurlandamáli er kostur.
· Góð reynsla og færni í notkun töflureikna og hæfni til að greina og setja fram tölulegar upplýsingar með skilmerkilegum hætti.
· Hæfni til að setja fram mál og upplýsingar í ræðu og riti.

Að auki skulu umsækjendur fullnægja almennum starfsgengisskilyrðum skv. 6. gr. laga nr. 70/1996 um réttindi og skyldur starfsmanna ríkisins.

Ráðning
Í samræmi við 19. gr. laga nr. 115/2011 um Stjórnarráð Íslands verður skipuð ráðgefandi hæfnisnefnd til að mæta hæfni umsækjenda, sbr. einnig reglur nr. 393/2012. Launakjör eru í samræmi við kjarasamninga ríkisins og FHSS. Skipað er í embættið til 5 ára.

Umsóknir
Umsóknir ásamt ferilskrám og kynningarbréfi skulu hafa borist mennta- og menningarmálaráðuneytinu, Sölvhólsgötu 4, 101 Reykjavík eða á netfangið [email protected] fyrir dagslok föstudagins 28. júní 2019.
Í kynningarbréfi skulu umsækjendur m.a. lýsa hvernig þeir uppfylla menntunar- og hæfniskröfur. Konur jafnt sem karlar eru hvött til að sækja um stöðuna. Æskilegt er að viðkomandi geti hafið störf sem fyrst.
Nöfn allra umsækjenda verða birt á vef ráðuneytisins að loknum umsóknarfresti og verða umsóknir þar sem óskað er nafnleyndar ekki teknar til greina.

Nánari upplýsingar um starfið veitir Anna María Urbancic rekstrarstjóri mennta- og menningarmálaráðuneytis.  Umsóknir gilda í 6 mánuði.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira