Hoppa yfir valmynd
10. október 2019 Mennta- og menningarmálaráðuneytið

Starf safnstjóra Listasafns Einars Jónssonar

Mennta- og menningarmálaráðuneytið auglýsir laust til umsóknar starf safnstjóra Listasafns Einars Jónssonar. Um er að ræða fullt starf.

Hlutverk Listasafns Einars Jónssonar er að varðveita, sýna og rannsaka verk Einars Jónssonar, halda skrá um verk hans, heimildir um æviferil og fleira er tengist lífi og list listamannsins. Nánari upplýsingar er að finna á vefsíðu þess

Leitað er að háskólamenntuðum einstaklingi með reynslu af stjórnun og rekstri og staðgóða þekkingu og reynslu á sviði menningar og lista. Krafist er góðrar kunnáttu í íslensku og ensku og góðrar samskiptahæfni.

Safnstjóri stjórnar og ber ábyrgð á starfsemi og rekstri í samráði við stjórn safnsins. Hann stýrir safninu samkvæmt samþykktri starfs- og fjárhagsáætlun og ber ábyrgð á rekstri þess, bæði listrænum og fjárhagslegum. Æskilegt er að viðkomandi geti hafið störf 1. janúar 2020. Laun greiðast samkvæmt gildandi kjarasamningum BHM.

Nánari upplýsingar um starfið veitir Anna María Urbancic, rekstrarstjóri í mennta- og menningarmálaráðuneytinu. Nöfn allra umsækjenda verða birt á vef ráðuneytisins að loknum umsóknarfresti og verða umsóknir þar sem óskað er nafnleyndar ekki teknar til greina. Umsóknir með upplýsingum um menntun og starfsferil sendist á netfangið [email protected] eða til mennta- og menningarmálaráðuneytis, Sölvhólsgötu 4, 101 Reykjavík

Umsóknarfrestur er til og með 1. nóvember 2019.

 

Mennta- og menningarmálaráðuneytið, 4. október 2019.


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira