Hoppa yfir valmynd
4. desember 2019 Mennta- og menningarmálaráðuneytið

Auglýst eftir umsóknum um styrki úr Sprotasjóði

Mennta- og menningarmálaráðuneyti auglýsir eftir umsóknum um styrki úr Sprotasjóði leik-, grunn- og framhaldsskóla vegna skólaársins 2020-2021. Hlutverk sjóðsins er að styðja við þróun og nýjungar í skólastarfi.

Í 4 gr. reglugerðar nr. 242/2009 um Sprotasjóð leik-, grunn- og framhaldsskóla segir:
Leikskólastjórar, skólastjórar eða skólameistarar fyrir hönd skóla, kennarahópa eða einstakra kennara geta sent inn umsókn. Aðrir aðilar en skólar geta sótt um þróunarverkefni í samstarfi við skóla. Í þeim tilfellum skal staðfesting á þátttöku skóla fylgja umsókn.

Áherslusvið sjóðsins fyrir tímabilið 2020-2021 byggja á Heimsmarkmiðum Sameinuðu þjóðanna um sjálfbæra þróun, sér í lagi markmiðum 3, 4, 11, 12 og 13. Önnur af heimsmarkmiðunum koma einnig til greina.

Í umsókn þarf að skilgreina hvernig verkefnið styður við innleiðingu heimsmarkmiðanna ásamt því hvernig nemendur verða virkir þátttakendur í verkefninu sjálfu. Upplýsingar um heimsmarkmiðin og dæmi um verkefni sem tengjast þeim má finna á vefnum heimsmarkmiðin.is

Þegar horft er til allra markmiðanna sautján er ljóst að margt er undir. Innleiðing heimsmarkmiða er ekki einungis á hendi stjórnvalda, heldur þarf samhent átak margra ólíkra aðila til þess að þau megi verða að veruleika. Umsóknir sem falla utan ofangreinds áherslusviðs fá sérstaka umfjöllun í ljósi áhrifa verkefna á menntun og skólastarf.

Við mat á umsóknum verður eftirfarandi haft til hliðsjónar
a) hvernig verkefnin falla að hlutverki Sprotasjóðs
b) hvort markmið verkefnis séu skýrt fram sett
c) virkniþáttur nemenda
d) vel skilgreind verkefnisstjórn
e) raunhæfar kostnaðar-, verk- og tímaáætlanir
f) tryggt og vel skilgreint framlag samstarfsaðila.

Umsóknir sem fela í sér samstarf skóla, skólastiga eða skóla og annarra stofnanna njóta alla jafna forgangs við úthlutun styrkja.

Fyrir skólaárið 2020-2021 verða til úthlutunar allt að 56 milljónum kr.

Vakin er sérstök athygli á að umsóknir um styrki skulu vera á rafrænu formi. Sækja þarf um aðgang að umsóknavef Sprotasjóðs. Tekið verður á móti umsóknum frá 6. janúar til 7. febrúar 2020.

Nánari upplýsingar um Sprotasjóð veitir Dana Rán Jónsdóttir hjá Rannsóknamiðstöð Háskólans á Akureyri í síma 460-8906 / [email protected]

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira