Hoppa yfir valmynd
1. apríl 2020 Mennta- og menningarmálaráðuneytið

Embætti forstjóra Menntamálastofnunar laust til umsóknar

Embætti forstjóra Menntamálastofnunar er laust til umsóknar

Menntamálastofnun er stjórnsýslustofnun á sviði menntamála sem stuðla skal að auknum gæðum skólastarfs og framförum í þágu menntunar í samræmi við lög og stefnu stjórnvalda, bestu þekkingu og alþjóðleg viðmið. Menntamálastofnun skal sinna verkefnum á sviði menntamála samkvæmt lögum um Menntamálastofnun nr. 91/2015 og því sem ráðherra felur stofnuninni. Sjö manna ráðgjafarnefnd er forstjóra til ráðgjafar um langtímastefnumótun um starfsemi stofnunarinnar. Starfsemi Menntamálastofnunar skiptist í matssvið, miðlunarsvið, greiningarsvið og þjónustusvið. Stofnuninni til ráðgjafar eru fagráð um náms- og gæðamat, gerð og miðlun námsgagna, og upplýsingagjöf og þjónusta. Starfsmenn eru ríflega 60.

Hæfnikröfur
Leitað er eftir einstaklingi með umfangsmikla stjórnunarreynslu, leiðtoga- og samskiptahæfni, reynslu af stefnumótunarvinnu, hæfileika til nýsköpunar og að stýra breytingum. Þekking og reynsla af stjórnsýslu, fjármálum og rekstri er einnig mikilvæg.

Menntunarkröfur
Samkvæmt 1. mgr. 2. gr. laga um Menntamálastofnun, nr. 91/2015, skal forstjóri Menntamálastofnunar hafa háskólamenntun sem nýtist í starfi og þekkingu á verksviði stofnunarinnar.

Starfssvið
Forstjóri stjórnar starfsemi og rekstri Menntamálastofnunar. Hann ber ábyrgð á að stofnunin starfi í samræmi við lög, stjórnvaldsfyrirmæli og erindisbréf, ræður starfsmenn og er í fyrirsvari fyrir stofnunina.

Ráðning og kjör
Mennta- og menningarmálaráðherra skipar forstjóra Menntamálastofnunar til fimm ára í senn skv. 1. mgr. 2. gr. laga um Menntamálastofnun, sbr. lög um réttindi og skyldur starfsmanna ríkisins, nr. 70/1996, með síðari breytingum. Ráðið er í starfið frá 4. ágúst 2020.

Um laun forstjóra Menntamálastofnunar fer eftir 39. gr. a í lögum um réttindi og skyldur starfsmanna ríkisins, nr. 70/1996.

Umsóknir
Umsóknir með greinargerð umsækjenda um framtíðarsýn fyrir Menntamálastofnun (út frá faglegum og rekstrarlegum áherslum) með upplýsingum um núverandi starfsheiti umsækjenda ásamt ítarlegum upplýsingum um menntun og fyrri störf skulu hafa borist mennta- og menningarmálaráðuneytinu, Sölvhólsgötu 4, 101 Reykjavík eða á netfangið [email protected], fyrir dagslok mánudaginn 20. apríl 2020.

Nöfn allra umsækjenda verða birt á vef ráðuneytisins að loknum umsóknarfresti og verða umsóknir þar sem óskað er nafnleyndar ekki teknar til greina. Nánari upplýsingar um starfið veitir Anna María Urbancic rekstrarstjóri í mennta- og menningarmálaráðuneyti.

Umsóknarfrestur er til og með 20. apríl 2020.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira