Hoppa yfir valmynd
29. júní 2020 Mennta- og menningarmálaráðuneytið

Samstarfsaðili vegna nýtingar á öruggum stafrænum lausnum fyrir aukið aðgengi að geðheilbrigðisþjónustu í framhaldsskólum landsins

Mennta- og menningarmálaráðuneyti auglýsir eftir samstarfsaðila vegna tilraunaverkefnis í framhaldsskólum um nýtingu á tæknilausnum í vefumhverfi til að veita og skrá stoðþjónustu fyrir nemendur í framhaldsskólum á öruggan hátt. Tæknin þarf að uppfylla kröfur um upplýsingaöryggi og reglur um verndun viðkvæmra persónupplýsinga.

Markmiðið er að auka og bæta aðgengi nemenda í framhaldsskólum að geðheilbrigðisþjónustu, innan eða utan skóla með samræmdri skráningu sérfræðinga á notkun og eðli þjónustunnar. Stefnt er að því að verkefnið hefjist í ágúst 2020 og standi yfir í tvö ár.

Ráðuneytið gerir ráð fyrir alls 6 m.kr. til verkefnisins til tveggja ára.

Umsókn skal senda á netfang ráðuneytisins [email protected]
Umsóknarfrestur er til kl. 24:00 þann 6. júlí 2020.

Nánari upplýsingar veitir Ragnheiður Bóasdóttir, [email protected]

Með umsókn skulu fylgja eftirtalin gögn:
• Lýsing á tæknilausn, aðgengi nemenda og tengingum við sérfræðinga.
• Lýsing á starfsumhverfi sérfræðinga sem veita þjónustuna.
• Upplýsingar um öryggismál og vottanir.
• Innleiðingaráætlun.
• Kostnaðaráætlun við notkun hugbúnaðar í tilraunaverkefninu.

Komi upp sú staða að fleiri en einn aðili komi til greina mun matsnefnd velja hæfasta aðilann.
Miðað við er að niðurstaða liggi fyrir 10. júlí 2020.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira