Hoppa yfir valmynd
20. september 2021 Mennta- og menningarmálaráðuneytið

Styrkir til staðbundinna fjölmiðla utan höfuðborgarsvæðisins

Mennta- og menningarmálaráðuneyti auglýsir eftir umsóknum um styrki til staðbundinna fjölmiðla utan höfuðborgarsvæðisins.

Markmið með styrkveitingum til einkarekinna staðbundinna fjölmiðla utan höfuðborgarsvæðisins er að efla starfsemi þeirra enda gegni þeir mikilvægu hlutverki við að tryggja aðgengi almennings að upplýsingum um menningar- og samfélagsmál og styðji með þeim hætti við lýðræðisþátttöku og menningarstarf. (3. gr. reglna nr. 1050/2021 um styrki til staðbundinna fjölmiðla).

Til úthlutunar árið 2021 eru 10 m.kr.: 5 m.kr. frá mennta- og menningarmálaráðuneyti og 5 m.kr. frá samgöngu- og sveitarstjórnarráðuneyti v. aðgerðar C.08 í byggðaáætlun, Efling fjölmiðlunar í héraði.

Höfuðborgarsvæðið nær yfir sveitarfélögin Reykjavíkurborg, Kópavogsbæ, Hafnarfjarðarkaupstað, Garðabæ, Seltjarnarnesbæ og Mosfellsbæ. Umsækjendum er bent á að kynna sér ákvæði reglna nr. 1050/2021 um styrki til staðbundinna fjölmiðla.

Sjá umsóknareyðublað hér að neðan. Þegar það hefur verið fyllt út þarf að prenta það til undirritunar, skanna og senda ásamt fylgiskjölum sem beðið er um í umsókn. Mikilvægt er að öll fylgiskjöl fylgi með umsókn. Umsóknir skulu berast á netfang mennta- og menningarmálaráðuneytis, [email protected], fyrir miðnætti 15. október 2021. Ef spurningar vakna um hvernig eigi að fylla umsóknina út er hægt að senda fyrirspurn á framangreint netfang.

Umsóknarfrestur er til miðnættis föstudaginn 15. október 2021.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira