Úttekt á verkefninu um íslenska upplýsingasamfélagið
Forsætisráðuneytið hefur látið gera úttekt á þróunarverkefninu um íslenska upplýsingasamfélagið sem ráðuneytið hefur stýrt frá árinu 1997. Úttektina framkvæmdi PWC Consulting, nú IBM Business Consulting Services, og liggja niðurstöður nú fyrir.
Meðal helstu atriða sem litið var til í úttektinni eru eftirfarandi:
- Hvernig hefur tekist við að ná þeim markmiðum sem sett voru fram í stefnunni um upplýsingasamfélagið.
- Hvernig hefur það fé sem veitt hefur verið til upplýsingatækniverkefna nýst.
- Hvernig hefur verkefnisstjórnin og einstök ráðuneyti staðið sig við framkvæmd stefnunnar.
- Hvernig hefur tekist til með samráð við ólíka aðila.
- Ísland í samanburði við önnur lönd, samanburður á tölfræðigögnum.
- Hvernig hefur það skipulag sem viðhaft hefur verið reynst.