Hoppa yfir valmynd
20. desember 2006 Innviðaráðuneytið

Minningarskjöldur afhjúpaður

Minningarskjöldur um þá sem látist hafa í umferðarslysum á Suðurlandsvegi var afhjúpaður í gær þar sem komið hefur verið fyrir 54 krossum við Kögunarhól. Viðstaddir voru samgönguráðherra, sýslumaðurinn á Selfossi, fulltrúar sveitarfélaga í byggðinni og fulltrúar áhugahóps um tvöföldun Suðurlandsvegar.

Krossar við Kogunarhol
Frá athöfninni við Kögunarhól.

Sigurður Jónsson, fulltrúi áhugahópsins, flutti ávarp í upphafi og síðan töluðu þau Sturla Böðvarsson samgönguráðherra, Ólafur Helgi Kjartansson sýslumaður og Aldís Hafsteinsdóttir, bæjarstjóri í Hveragerði. Kom meðal annars fram í máli þeirra að brýnt væri að ökumenn minntust ábyrgðar sinnar í umferðinni og færu að lögum.

Á minningarskildinum stendur: Krossarnir eru til minningar um þá sem látist hafa í slysum á Suðurlandsvegi milli Reykjavíkur og Selfoss.

Á myndinni sést Sigurður Jónsson flytja ávarp og lengst til hægri er Sturla Böðvarsson samgönguráðherra. Í miðið er Hannes Kristmundsson sem hafði með öðrum forgöngur um að koma krossunum fyrir.



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum