Úttekt á opinberum vefjum

Forsætisráðuneyti og Samband íslenskra sveitarfélaga standa fyrir úttekt á opinberum vefjum á Íslandi. Úttektin hefur farið fram nú í sumar og er niðurstaðna að vænta á haustmánuðum 2007 og verða þær rækilega kynntar. Árið 2005 létu sömu aðilar gera sambærilega úttekt.  Að þessu sinni verða tæplega 300 vefir á vegum ríkis og sveitarfélaga   skoðaðir og metnir.  Lagt verður mat á innihald, aðgengi fyrir fatlaða og hversu notendavænir vefirnir eru.  Fyrirtækið Sjá ehf framkvæmir könnunina.

                                                                                                               Reykjavík 24. ágúst 2007