Embætti lögreglustjórans á Suðurnesjum auglýst laust til umsóknar

Embætti lögreglustjórans á Suðurnesjum hefur verið auglýst laust til umsóknar. Lögreglustjórinn fer með stjórn lögregluliðs á Suðurnesjum í samræmi við ákvæði lögreglulaga og ber ábyrgð á rekstri embættisins. Umsækjendur þurfa að uppfylla hæfisskilyrði lögreglustjóra, sbr. 2. mgr. 28. gr. lögreglulaga nr. 90/1996.

Dómsmálaráðherra skipar í embættið frá og með 1. janúar 2009 til fimm ára í senn. Upplýsingar um starfið veitir Þorsteinn Geirsson ráðuneytisstjóri í síma 545 9000.

Umsóknir berist dóms- og kirkjumálaráðuneytinu, Skuggasundi, 150 Reykjavík, eigi síðar en hinn 11. nóvember 2008.

Dóms- og kirkjumálaráðuneytinu,

23. október 2008.