Hoppa yfir valmynd
5. maí 2009 Innviðaráðuneytið

Eigið fé Keflavíkurflugvallar ohf. er 6,3 milljarðar króna

Eigið fé Keflavíkurflugvallar ohf. er 6.382 milljónir króna samkvæmt ákvörðun framhaldsstofnfundar félagsins sem haldinn var föstudaginn 24. apríl. Skuldir eru samtals 22,5 milljarðar og skuldir og eigið fé því samtals 28,9 milljarðar króna.

Ríkisendurskoðun hefur tekið saman sérfræðiskýrslu vegna stofnefnahagsreiknings Keflavíkurflugvallar ohf. og kemur þar fram að eigið fé félagsins svari til þeirra verðmæta sem ríkissjóður leggur félaginu til. Eigið fé er annars vegar hlutafé að upphæð fjórir milljarðar króna og hins vegar lögbundinn varasjóður sem er tæpir 2,4 milljarðar króna.

Helstu eignir sem félaginu eru lagðar til eru frá Flugstöð Leifs Eiríkssonar ohf., Flugmálastjórn Keflavíkurflugvallar, ýmsar fasteignir í eigu ríkisins og síðan afnotaréttur flugbrauta og fasteigna sem voru í umsjá Varnarmálastofnunar. Verðmætasta einstaka eignin er flugstöðvarbyggingin ásamt tilheyrandi búnaði sem metið er á tæpa 17 milljarða króna.

Langtímaskuldir félagsins eru rúmlega 20,2 milljarðr króna og skammtímaskuldir 2,1 milljarður.



Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum