Samstarfshópur um velferð á Suðurnesjum

Stofnaður hefur verið samstarfshópur um velferð á Suðurnesjum og ráðinn verkefnisstjóri til að vinna að framkvæmd ákvarðana hópsins. Markmiðið er að efla samstarf sveitarfélaganna á sviði velferðarmála og auka samvinnu við ríkisstofnanir og félagasamtök til að styrkja stöðu svæðisins.

Ákvörðun um stofnun samstarfshópsins og ráðningu verkefnisstjóra var kynnt á fundi ríkisstjórnarinnar sem haldinn var á Suðurnesjum 11. nóvember í fyrra, en nokkru áður höfðu heimamenn óskað eftir því að þetta yrði gert á fundi velferðarvaktarinnar með Suðurnesjamönnum. Hópurinn starfar á vegum velferðarvaktarinnar og er Ingibjörg Broddadóttir, fulltrúi velferðarvaktarinnar og velferðarráðuneytisins, formaður hans.

Verkefnisstjóri er Lovísa Lilliendahl.

Fulltrúar í samstarfshópnum eru:

• Ingibjörg Broddadóttir, fulltrúi velferðarvaktarinnar og velferðarráðuneytis, formaður,
• Hjördís Árnadóttir, félagsmálastjóri, Reykjanesbær,
• Nökkvi Már Jónsson, félagsmálastjóri, Grindavík,
• Kristín Þyrí Þorsteinsdóttir, félagsmálastjóri, Sandgerði, Garður, Vogar,
• Linda Ásgrímsdóttir, náms- og starfsráðgjafi, Vinnumálastofnun,
• Ingvar Georgsson, RKÍ Suðurnesjadeild,
• Þórólfur Halldórsson, sýslumaður, sýslumaðurinn í Keflavík,
• Sigurður Grétar Sigurðsson, sóknarprestur, Útskálaprestakalli,
• Guðbrandur Einarsson, formaður, Verslunarmannafélag Suðurnesja,
• Guðrún Sigurðardóttir, verkefnisstjóri, Umboðsmaður skuldara,
• Sara Dögg Gylfadóttir, félagsráðgjafi, Heilbrigðisstofnun Suðurnesja,
• Einar Jón Ólafsson, hagfræðingur, fulltrúi velferðarráðuneytis í velferðarvaktinni,
• Kristján Ásmundsson, skólameistari, Fjölbrautaskóli Suðurnesja,
• Egill Heiðar Gíslason, Íbúðalánasjóður,
• Lovísa Lilliendahl, verkefnisstjóri.