Opið upp á gátt hjá ríki og sveitarfélögum

Ráðstefna UT-dagsins 2011 var haldin 25. maí á Hótel Hilton Nordica

Á ráðstefnunni sem var haldin í tilefni af degi upplýsingatækninnar var athyglinni beint að vefgáttum opinberra aðila.

Yfirmaður Borger.dk, sem er þjónustuvefur danskra ríkisstofnana og sveitarfélaga, ætlaði að koma og segja frá þróun vefsins og framtíðaráformum Dana um netþjónustu. Vegna ösku frá gosinu í Grímsvötnum komast hann ekki til landsins.

Á ráðstefnunni var sagt frá nýjungum og breytingum á Ísland.is, en verkefnið fluttist til Þjóðskrár Íslands um síðustu áramót. Opnuð var ný Menntagátt, sagt frá framsæknum verkefnum hjá Hafnarfjarðarbæ og Reykjavíkurborg, fjallað var um tæknina bak við tjöldin og kynnt áform um aukna samvinnu ríkis og sveitarfélaga um opinberar vefgáttir.

Að ráðstefnunni stóðu forsætisráðuneyti, Samband íslenskra sveitarfélaga og Skýrslutæknifélag Íslands.

• Ávarp: Jóhanna Sigurðardóttir, forsætisráðherra
• Kvartett – þjónusta í boði Ísland.is
  Margrét Hauksdóttir, aðstoðarforstjóri Þjóðskrár Íslands
• „Er það eitthvað o'ná brauð?“ - Samvirkni í rafrænni þjónustu
  Arnaldur F. Axfjörð, sérfræðingur hjá fjármálaráðuneytinu
• Rafræn framkvæmd almannatrygginga innan EES – milli stofnana og yfir landamæri
  Hermann Ólason, framkvæmdastjóri upplýsingatæknisviðs
• Sjálfvirkni og hagræðing í upplýsingatæknikerfum Reykjavíkurborgar
  Hjörtur Grétarsson, upplýsingatæknistjóri Reykjavíkurborgar
• Opnun nýrrar Menntagáttar
  Katrín Jakobsdóttir, menntamálaráðherra
  Kynning á nýrri Menntagátt
  Sigurbjörg Jóhannesdóttir, sérfræðingur hjá mennta- og menningarmálaráðuneytinu
  Tryggvi Björgvinsson, sérfræðingur hjá mennta- og menningarmálaráðuneytinu
• Betri Reykjavík – Sjálfbært gegnsæi
  Gunnar Grímsson, Íbúar Samráðslýðræði
  Hreinn Hreinsson, vefritstjóri Reykjavíkurborgar
• Frá vorskipum að tölvuskjánum
  Steinunn Þorsteinsdóttir, upplýsingafulltrúi Hafnarfjarðarbæjar
• Ísland.is - tækifæri til samstarfs og framþróunar
  Guðríður Arnardóttir, varaformaður Sambands íslenskra sveitarfélaga

Á vef Sambands íslenskra sveitarfélaga eru hljóðupptökur af öllum fyrirlestrunum.

Ráðstefnustjóri var Arnar Þór Másson, skrifstofustjóri í forsætisráðuneytinu

Undirbúningsnefnd: Guðbjörg Sigurðardóttir – forsætisráðuneytinu, Anna G. Björnsdóttir – Sambandi íslenskra sveitarfélaga, Arnheiður Guðmundsdóttir – Skýrslutæknifélaginu, Guðfinna B. Kristjánsdóttir – Garðabæ, Halla Björg Baldursdóttir – Þjóðskrá Íslands, Hermann Ólason – Tryggingastofnun, Hjörtur Grétarsson – Reykjavíkurborg