Hoppa yfir valmynd
Velferðarráðuneytið

Ákvæði laga sem heimilar greiðslu hlutabóta framlengt til áramóta

Alþingi
Alþingi

Alþingi samþykkti í dag breytingu á lögum um atvinnuleysistryggingar sem heimilar greiðslu atvinnuleysisbóta á móti skertu starfshlutfalli. Greiðslur hlutabóta eru þar með tryggðar þeim sem eiga rétt til þeirra samkvæmt lögum til áramóta.

Gildistími bráðabirgðaákvæða laga nr. 54/2006, um atvinnuleysistryggingar, sem heimila greiðslu atvinnuleysisbóta, hafi starfshlutfall fólks verið skert sem nemur að minnsta kosti 30%, rann út 30. júní síðastliðinn. Á vorþingi lagði velferðarráðherra fyrir Alþingi frumvarp þar sem kveðið var á um framlengingu gildistíma bráðabirgðaákvæða um hlutabætur til ársloka 2011. Samstaða var um málið á Alþingi en við þinglok í vor var þriðju atkvæðagreiðslu um frumvarpið ólokið og það varð því ekki að lögum. 

Alþingi tók til starfa í dag að afloknu sumarfríi og var frumvarp velferðarráðherra til breytinga á lögum um atvinnuleysistryggingar þá tekið fyrir og lokið þriðju atkvæðagreiðslu um það.

Ákvæði laganna sem kveða á um greiðslu hlutabóta er tímabundið og rennur út 31. desember 2011.

Efnisorð

Hafa samband

Ábending / fyrirspurn


Þessi síða notar vafrakökur Lesa meira