Atvinnuvega- og nýsköpunarráðuneytið

Drög að reglugerð um varmaorkumæla til umsagnar

Til umsagnar eru nú hjá innanríkisráðuneytinu drög að reglugerð um varmaorkumæla. Umsagnafrestur er til 15. júní næstkomandi og skal senda umsagnir á netfangið [email protected].

Í reglugerðardrögunum er mælt fyrir um þau skilyrði sem varmaorkumælar þurfa að uppfylla svo þá megi selja og taka í notkun hjá dreifiveitum í því skyni að nota þá sem sölumæla fyrir heitt vatn. Drögin kveða einnig á um gildistíma og eftirlit með mælum í notkun til þess að tryggja réttar mælingar.

Reglugerðardrögin byggjast á samræmdum evrópskum reglum sem gilda um slík mælitæki. Drögin eru hliðstæð gildandi reglum sem settar hafa verið með reglugerðum ráðuneytisins, sbr. til dæmis reglugerð nr. 1061/2008, um mælifræðilegt eftirlit með raforkumælum. Þó skal bent á að drögin leyfa einnig notkun breyttra varmaorkumæla hér á landi. Þetta er gert að ósk hitaveitna sem hafa bent á nauðsyn vegna sérstakra aðstæðna hér á landi þar sem að jarðhiti er notaður til húshitunar og sölumælingar eru gerðar með varmaorkumælum en ekki með vatnsmælum fyrir rúmmál.

Efnisorð

Hafa samband

Ábending / fyrirspurn