Fundað með aðalsamningamanni Svartfjallalands gagnvart ESB

Össur Skarphéðinsson utanríkisráðherra átti í morgun fund með Aleksandar Andrija Pejovic, aðalsamningamanni Svartfjallalands gagnvart Evrópusambandinu. Pejovic er hér á landi til að kynna sér starf samninganefndar Íslands í aðildarsamningunum við ESB. Ráðherraráð ESB samþykkti í júní sl. að mæla með því að samningar við Svartfjallaland hefjist og er rýniferli hafið. 

Þá fundaði Pejovic einnig með Stefáni Hauki Jóhannessyni, aðalsamningamanni Íslands, en þeir ræddu reynslu Íslendinga af undirbúningi viðræðnanna og svo samningaferlinu sem nú stendur yfir.