Haustþing Rannís 2012
Haustþing Rannís verður haldið miðvikudaginn 28. nóvember. Yfirskrift þingsins að þessu sinni er: Fjármögnun rannsókna - hvert stefnir?
Haustþing Rannís verður haldið miðvikudaginn 28. nóvember 2012 kl. 8.30-10.30 á Grand Hótel Reykjavík. Á þinginu verður fjallað um fjármögnun háskóla með áherslu á fjármögnun rannsókna. Vaxandi fjöldi nemenda í framhaldsnámi krefst þess að hugað sé sérstaklega að fjármögnun og gæðum rannsóknartengds náms með öflugu samstarfi við rannsóknarstofnanir og atvinnulíf.
Fjallað verður um grunnfjármögnun háskólanna og þær leiðir sem háskólar hafa til að afla fjár til kennslu og rannsókna, t.d. með öflun sértekna úr innlendum og erlendum sjóðum. Rætt verður um hvert við viljum stefna í grunnfjármögnun háskóla á Íslandi og þau tækifæri sem felast í nánara samstarfi háskóla við rannsóknarstofnanir og fyrirtæki.
Drög að dagskrá:
Haustþing Rannís |
|
---|---|
8.30 | Setning haustþings Rannís Katrín Jakobsdóttir, mennta- og menningarmálaráðherra. |
8.40 |
Grunnfjármögnun háskólastigsins
Magnús L. Magnússon, sérfræðingur í mennta- og menningarmálaráðuneytinu. |
9.00 |
Hvernig verða háskólar framtíðar fjármagnaðir?
Kristín Ingólfsdóttir, rektor Háskóla Íslands. |
9.15 |
Fjármögnun rannsóknatengds framhaldsnáms Ari Kristinn Jónsson, rektor Háskólans í Reykjavík. |
9.30 |
Samstarf háskóla og rannsóknastofnanna
Verður tilkynnt síðar. |
9.45 |
Samstarf við fyrirtæki
Hilmar Janusson, forseti verkfræði- og náttúruvísindasviðs Háskóla Íslands |
10.00 |
Sjónarhorn atvinnulífsins
Svana Helen Björnsdóttir, formaður Samtaka iðnaðarins. |
- Húsið opnar kl. 8.00 með morgunverði fyrir gesti.
- Skráning á [email protected] fyrir 27. nóv.