Auglýst eftir umsóknum um styrki til gæðaverkefna í velferðarþjónustu
Velferðarráðuneytið auglýsir eftir umsóknum um styrki vegna gæðaverkefna á sviði velferðarþjónustu árið 2012. Umsóknarfrestur rennur út 21. desember næstkomandi.
Að þessu sinni verður sérstök áhersla lögð á verkefni tengd samþættingu heilbrigðis- og félagsþjónustu, s.s. verkefni sem stuðla að umbótastarfi, nýbreytni eða auknum gæðum þjónustunnar.
Í styrkumsókn skal meðal annars koma fram hvert er markmið verkefnisins, ásamt framkvæmdaáætlun og hvernig unnt væri að nýta niðurstöður til að bæta þjónustuna. Sótt skal um í nafni einstakra stofnana og/eða starfseiningar. Styrkirnir nema að hámarki 400 þúsund krónum. Umsóknir skulu vera á rafrænu formi.
Umsóknarfrestur er til og með 21. desember 2012.