Stjórnsýslan fundar um áskoranir tengdar olíuleit á Drekasvæðinu
Atvinnuvega- og nýsköpunarráðuneytið gekkst fyrir fundi ráðuneyta og stofnana um þær áskoranir sem stjórnvöld standa frammi fyrir vegna olíuleitar á Drekasvæðinu. Á fundinum var farið yfir stöðu mála og reynt að greina þau verkefni sem snúa að stjórnvöldum á næstu árum gangi áætlanir um olíuvinnslu á Drekasvæðinu eftir.
Þá var einnig rædd hugsanleg aðkoma Íslendinga sem þjónustuaðila vegna olíuleitar við vesturströnd Grænlands og Jan Mayen og ljóst er að miklir hagsmunir geta verið í húfi.
Frummælendur á fundinum voru þeir Þórarinn Sveinn Arnarson frá Orkustofnun, Haukur Óskarsson frá Mannviti og Halldór Þorkelsson frá PWC.