Hvað er spunnið í opinbera vefi 2013?

Gerð verður úttekt á opinberum vefjum ráðuneyta, stofnana og sveitarfélaga haustið 2013. Slík úttekt hefur verið gerð fjórum sinnum áður, árin 2005, 2007, 2009 og 2011 og er mikilvægt tæki til að fylgjast með þróun opinberra vefja með tilliti til innihalds (content), nytsemi (usability), aðgengis (accessibility), þjónustu (service) og lýðræðislegrar þátttöku (e-participation) á vefjum.

Úttektin er tvíþætt. Annars vegar er um að ræða mat verktaka (Sjá ehf) á viðkomandi vefjum samkvæmt fyrirfram ákveðnum gátlista. Það mat mun fara fram 16.-29. september næstkomandi. Hins vegar svara tengiliðir opinberra aðila (ráðuneyta, stofnana og sveitarfélaga) spurningalista. Tengiliðirnir fá einnig tækifæri til að gera athugasemdir við mat verktaka. Opið verður fyrir svörun spurningalista og athugasemdir dagana 1.-10. október. 

Innanríkisráðuneytið hefur samið við fyrirtækið Sjá ehf um að framkvæma úttektina og er Jóhanna Símonardóttir verkefnisstjóri verkefnisins hjá Sjá og mun hún setja sig í samband við stofnanir eftir þörfum. 

Opinn kynningarfundur um könnunina var haldinn 2. september, upptaka frá honum er hér neðar á síðunni.

Spurningalistinn verður með svipuðu móti og áður, hér er hægt er að skoða hann og önnur gögn sem skýra framkvæmd könnunarinnar.

• Viðmót vefspurningalista
• Spurningalisti - aðgengilegur
• Listi yfir atriði varðandi aðgengi sem skoðuð eru
• Nánari lýsingu á framkvæmd aðgengishluta könnunarinnar
• Listi yfir stofnanir / sveitarfélög og þá vefi sem könnunin tekur til 
• Mat á þjónustu - skýringar á útreikningum

Tól sem notuð eru við úttekt á aðgengi:

• Worldspace/FireEyes fyrir sjálfvirku prófanirnar
• Wave Toolbar
• PDF accessibility checker
• Web Developer Toolbar
• Luminosity Color Contrast Analyser

Kynning

Opinn kynningarfundur um könnunina var haldinn 2. september.