Hoppa yfir valmynd
31. maí 2013 Mennta- og menningarmálaráðuneytið

Sigríður Hallgrímsdóttir aðstoðar Illuga Gunnarsson mennta- og menningarmálaráðherra

Sigríður er með MBA-gráðu frá Háskólanum í Reykjavík og hefur undanfarið starfað sem ráðgjafi hjá almannatengslafyrirtækinu KOM. Sigríður hefur víðtæka reynslu úr atvinnulífinu bæði á Íslandi og á alþjóðlegum vettvangi.

Sigríður Hallgrímsdóttir
Sigríður Hallgrímsdóttir

Illugi Gunnarsson menntamálaráðherra hefur ráðið Sigríði Hallgrímsdóttur sem aðstoðarmann sinn. Sigríður er með MBA-gráðu frá Háskólanum í Reykjavík og hefur undanfarið starfað sem ráðgjafi hjá almannatengslafyrirtækinu KOM. Sigríður hefur víðtæka reynslu úr atvinnulífinu bæði á Íslandi og á alþjóðlegum vettvangi. Hún hefur m.a. starfað sem framkvæmdastjóri hjá SJÁ ehf, sem aðstoðarframkvæmdastjóri hjá Creditinfo Group og aðstoðarframkvæmdastjóri Industria ehf. Þá hefur hún bæði tekið þátt í stofnun og setið í stjórn nokkurra fyrirtækja.


Sigríður er varaformaður Félags viðskiptafræðinga og hagfræðinga og hefur tekið virkan þátt í félagsstarfi Sjálfstæðisflokksins. Hún er formaður Hvatar, félags sjálfstæðiskvenna í Reykjavík, var formaður Upplýsinga- og fræðslunefndar Sjálfstæðisflokksins, sat í miðstjórn og var um skeið varaformaður Landssambands sjálfstæðiskvenna.
Auk þess situr Sigríður í stjórn Vinafélags Sinfóníuhljómsveitar Íslands, sem og í stjórn Áslaugarsjóðs, styrktarstofnunar Sinfónuhljómsveitarinnar og um skeið sat hún í stjórn Íslenska dansflokksins. Sigríður er jafnframt formaður jafnréttisnefndar Bandalags kvenna í Reykjavík.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira