Helga Sigurrós Valgeirsdóttir ráðin aðstoðarmaður sjávarútvegs og landbúnaðarráðherra
Helga Sigurrós Valgeirsdóttir hefur verið ráðin aðstoðarmaður Sigurðar Inga Jóhannssonar, sjávarútvegs- og landbúnaðarráðherra. Hún hóf störf í ráðuneytinu fyrir helgi.
Helga Sigurrós hefur starfað á Fiskistofu, með leyfum, frá árinu 2004 síðast sem sviðsstjóri upplýsingasviðs. Hún sat í verkefnisstjórn um mótun atvinnustefnu fyrir Ísland sem starfrækt var á vegum þeirra ráðuneyta sem síðar sameinuðust í atvinnuvegaráðuneytið núverandi. Helga Sigurrós var starfsmaður nefndar um endurskoðun á lögum um stjórn fiskveiða, sáttanefndin s.k., sem skilaði niðurstöðum sínum árið 2010 á grundvelli breiðs samráðs fulltrúa allra þingflokka og hagaðila. Hún hefur tekið þátt í ýmsu samstarfi á alþjóðavettvangi, t.d. innan Norðaustur Atlantshafsfiskveiðinefndarinnar og vinnu fyrir samningahóp Íslands í sjávarútvegsmálum tengdri umsókn um aðild að Evrópusambandinu.
Helga Sigurrós er með bakkalárgráðu í sjávarútvegsfræðum frá Háskólanum á Akureyri og meistaragráðu í alþjóðaviðskiptum frá Grenoble Graduate School of Business. Auk þess er Helga með vottun sem verkefnisstjóri á D-stigi frá IPMA.
Ævar Rafn Björnsson lögmaður er eiginmaður Helgu Sigurrósar og eiga þau tvær dætur, á fyrsta og sjötta ári.
Helga Sigurrós hefur starfað á Fiskistofu, með leyfum, frá árinu 2004 síðast sem sviðsstjóri upplýsingasviðs. Hún sat í verkefnisstjórn um mótun atvinnustefnu fyrir Ísland sem starfrækt var á vegum þeirra ráðuneyta sem síðar sameinuðust í atvinnuvegaráðuneytið núverandi. Helga Sigurrós var starfsmaður nefndar um endurskoðun á lögum um stjórn fiskveiða, sáttanefndin s.k., sem skilaði niðurstöðum sínum árið 2010 á grundvelli breiðs samráðs fulltrúa allra þingflokka og hagaðila. Hún hefur tekið þátt í ýmsu samstarfi á alþjóðavettvangi, t.d. innan Norðaustur Atlantshafsfiskveiðinefndarinnar og vinnu fyrir samningahóp Íslands í sjávarútvegsmálum tengdri umsókn um aðild að Evrópusambandinu.
Helga Sigurrós er með bakkalárgráðu í sjávarútvegsfræðum frá Háskólanum á Akureyri og meistaragráðu í alþjóðaviðskiptum frá Grenoble Graduate School of Business. Auk þess er Helga með vottun sem verkefnisstjóri á D-stigi frá IPMA.
Ævar Rafn Björnsson lögmaður er eiginmaður Helgu Sigurrósar og eiga þau tvær dætur, á fyrsta og sjötta ári.