Hoppa yfir valmynd
14. júní 2013 Félagsmálaráðuneytið, Heilbrigðisráðuneytið

Inga Hrefna Sveinbjarnardóttir ráðin aðstoðarmaður Kristjáns Þórs Júlíussonar

Inga Hrefna Sveinbjarnardóttir, aðstoðarmaður heilbrigðisráðherra
Inga Hrefna Sveinbjarnardóttir, aðstoðarmaður heilbrigðisráðherra

Kristján Þór Júlíusson heilbrigðisráðherra hefur ráðið Ingu Hrefnu Sveinbjarnardóttur aðstoðarmann sinn í velferðarráðuneytinu.

Inga Hrefna er 31 árs gömul fædd 18. nóvember 1981. Hún lauk stúdentsprófi frá Menntaskólanum á Egilsstöðum og BA-prófi frá Háskóla Íslands í stjórnmálafræði.

Inga Hrefna hefur gegnt stöðu framkvæmdastjóra þingflokks Sjálfstæðisflokksins síðan í haust. Hún hefur frá árinu 2007 unnið á skrifstofu Sjálfstæðisflokksins í Valhöll þar sem hún starfaði m.a. sem framkvæmdastjóri Varðar, fulltrúaráðsins í Reykjavík.

Inga Hrefna er fædd og uppalin á Seyðisfirði. Hún er í sambúð með Þorgeiri Arnari Jónssyni.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira