Atvinnuvega- og nýsköpunarráðuneytið

Skrifað undir þjónustusamning við Neytendasamtökin

Í stefnuyfirlýsingu ríkisstjórnarinnar er lögð áhersla á samfélagslegt mikilvægi frjálsra félagasamtaka og í anda þess hefur innanríkisráðherra nú skrifað undir þjónustusamning við Neytendasamtökin og er hann framhald fyrri samnings. Upphæð samningsins er ákveðin af Alþingi og er hún í ár 8,4 milljónir króna.

Hanna Birna Kristjánsdóttir innanríkisráðherra og Jóhannes Gunnarsson, formaður Neytendasamtakanna, skrifuðu undir samninginn. Samningurinn styrkir Neytendasamtökin við að halda úti ýmiss konar þjónustu við neytendur og er meðal annars greiddur kostnaður við leiðbeiningarþjónustu, kvörtunarþjónustu, úrskurðarnefndir og við Evrópsku neytendaaðstoðina.

Neytendasamtökin eru frjáls félagasamtök sem byggjast á einstaklingsbundinni aðild. Hlutverk þeirra er að gæta hagsmuna neytenda og tala máli þeirra. Þau vinna einnig að umbótum á löggjöf til hagsbóta fyrir neytendur og annast útgáfu, rannsóknar-, ráðgjafar og fræðslustarfsemi til að auka skilning á hagsmunamálum neytenda.

Efnisorð

Hafa samband

Ábending / fyrirspurn