Í aðdraganda kjarasamninga
Ný skýrsla heildarsamtaka vinnumarkaðarins er komin út sem fjallar um launaþróun og efnahagsumhverfi síðustu ára.
Í skýrslunni eru upplýsingar um þróun launa á árunum 2006 til 2013 og ítarleg greining á efnahagsforsendum kjarasamninga. Skýrslan er mikilvægt innlegg í það verkefni að bæta umgjörð við gerð kjarasamninga hér á landi.
Samstarfsnefnd um launaupplýsingar og efnahagsforsendur kjarasamninga gefur skýrsluna út. Að nefndinni standa fern samtök launafólks, þ.e. ASÍ, BHM, BSRB og KÍ og af hálfu vinnuveitenda, SA, Samband íslenskra sveitarfélaga og fjármála- og efnahagsráðuneyti.