Við getum tvöfaldað verðmæti hvers fisks sem berst á land! Sóknarfundur með sjávarútvegsráðherra 7. nóvember.
Atvinnuvega- og nýsköpunarráðuneytið í félagi við Íslenska sjávarklasann boða til morgunfundar fimmtudaginn 7. nóvember um hin ótal mörgu tækifæri sem íslenskur sjávarútvegur stendur frammi fyrir. Fundurinn verður haldinn í húsnæði íslenska Sjávarklasans við Grandagarði 16 – hefst klukkan 8:30 og lýkur tveimur tímum síðar.
Markmiðið með fundinum er að bregða birtu á þau sóknarfæri sem íslenskur sjávarútvegur stendur frammi fyrir – og mikilvægi þess að hann búi yfir styrk og framsýni til að láta tækifærin verða að ábatasömum veruleika.