Hoppa yfir valmynd
8. nóvember 2013 Innviðaráðuneytið

Tilkynning frá atvinnuvega- og nýsköpunarráðuneyti

Í samræmi við markmið í stefnuyfirlýsingu ríkisstjórnarinnar þar sem kveðið er á um að hún muni beita sér fyrir endurskoðun regluverks atvinnulífsins með einföldun og aukna skilvirkni þess að leiðarljósi, vill ráðuneytið kanna hjá hagsmunaaðilum og stofnunum möguleika á einföldun og aukinni skilvirkni á verklagi og regluverki. 

Með bréfi þessu er samtökum eða stofnunum hér með gefinn kostur á að koma á framfæri við ráðuneytið athugasemdum, skriflegum eða munnlegum – stórum og smáum – hvort heldur er varðar lagasetningu eða reglugerðarbreytingar, verkferla og verklag, um það er til einföldunar og bóta gæti talist að yðar mati. 

Starfsmenn ráðuneytisins á skrifstofu viðskipta- og ferðaþjónustu eru reiðubúnir að aðstoða á allan þann hátt sem mögulegt er og eru jafnframt reiðubúnir að hitta viðkomandi á stuttum fundi eða fundum til að fara yfir málin. 

Ef óskað er funda með starfsmönnum ráðuneytisins, vinsamlega sendið tölvupóst með beiðni þar um á:   
[email protected] 

Gert er ráð fyrir að tillögur berist ráðuneytinu fyrir 1. desember n.k. 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum