Mál nr. 21/2014, úrskurður 13. mars 2014

Mál nr. 21/2014
Aðlögun kenninafns: Jóhannesson

Hinn 13. mars 2014 kveður mannanafnanefnd upp svohljóðandi úrskurð í máli 21/2014 en erindið barst nefndinni 28. febrúar:

Með bréfi Þjóðskrár Íslands, dags. 25. febrúar 2014, óskaði móðir barns úrskurðar mannanafnanefndar um að sonur hennar taki upp kenningu til föður síns, Ioannis. Óskar hún að rita kenninafnið Jóhannesson.

Ekkert er í lögum nr. 45/1996, um mannanöfn, sem stendur í vegi fyrir því að fallist sé á ofangreinda beiðni.

Úrskurðarorð:

Fallist er á föðurkenninguna Jóhannesson.