Atvinnuvega- og nýsköpunarráðuneytið

Skrifað undir árangursstjórnunarsamning Neytendastofu og innanríkisráðuneytis

Ólöf Nordal innanríkisráðherra og Tryggvi Axelsson, forstjóri Neytendastofu, skrifuðu í dag undir árangursstjórnunarsamning ráðuneytisins og Neytendastofu. Samningurinn er til fimm ára og er tilgangur hans að festa í sessi ákveðið samskiptaferli aðila og skerpa áherslur um stefnumótun,  framkvæmd verkefna og áætlunargerð.

Ólöf Nordal og Tryggvi Axelsson skrifuðu undir árangursstjórnunarsamninginn.
Ólöf Nordal og Tryggvi Axelsson skrifuðu undir árangursstjórnunarsamninginn.

Í samningnum er hlutverk Neytendastofu rakið eins og það er skilgreint í lögum um stofnunina. Eru meginhlutverkin tekin saman í eftirtalda flokka:

  • Gæta að og hafa eftirlit með neytendarétti og öryggi vöru.
  • Hafa eftirlit með viðskiptaháttum og stuðla að gagnsæi markaðarins.
  • Yfirumsjón með lögmælifræði og hagnýtri mælifræði og framkvæmd sem að því lýtur.
  • Miðla upplýsingum til aðila á markaði um réttindi þeirra og skyldur.

Þá eru taldar upp áherslur og megin markmið varðandi starfsemi stofnunarinnar á samningstímanum og er þar meðal annars fjallað um stjórnsýslu, þjónustu, mannauð og gæðamál. Einnig eru taldar upp gagnkvæmar skyldur beggja aðila.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn