Umhverfis- og auðlindaráðuneytið

Drög að reglugerð um meðferð elds og varnir gegn gróðureldum til kynningar

Sandgróður
Sandgróður

Umhverfis- og auðlindaráðuneytið óskar eftir umsögnum um drög að reglugerð um meðferð elds og varnir gegn gróðureldum. Markmið reglugerðarinnar er að vernda um­hverfið og heilsu fólks með því að koma í veg fyrir mengun af sinubrennu, öðrum gróðureldum og meðferð elds á víðavangi. Þá er það einnig markmið reglugerðarinnar að tryggja öryggi og vernd lífs og eigna.

Reglugerðin verður sett með stoð í 7. gr. laga nr. 40/2015 um meðferð elds og varnir gegn gróðureldum. Í drögum að reglugerðinni er kveðið á um meðferð elds á víðavangi og skyldu hvers og eins að gæta ýtrustu varkárni við meðferð elds. Sérstaklega er fjallað um sinubrennu, sem gert er ráð fyrir að sé óheimil nema á lögbýlum þar sem stundaður er landbúnaður og einungis í rökstuddum tilgangi í jarðrækt eða búfjárrækt og þá samkvæmt skriflegu leyfi sýslumanns. Einnig er gert ráð fyrir að leyfi þurfi fyrir bálköstum og brennum og er í drögunum fjallað um þau skilyrði sem þarf að uppfylla til að fá slíkt leyfi.

Umsögnum um reglugerðina skal skilað fyrir 16. mars nk. á netfangið [email protected] eða í bréfpósti, á umhverfis- og auðlindaráðuneytið, Skuggasundi 1, 101 Reykjavík.

Drög - Reglugerð um meðferð elds og varnir gegn gróðureldum

Efnisorð

Hafa samband

Ábending / fyrirspurn