Umhverfis- og auðlindaráðuneytið

Pixel hlýtur Svansvottun

Eigendur Pixel taka við leyfinu úr höndum umhverfis- og auðlindaráðherra.

Sigrún Magnúsdóttir, umhverfis- og auðlindaráðherra, afhenti prentsmiðjunni Pixel, Svansmerkið við hátíðlega athöfn á föstudag. Pixel bætist þar með í ört stækkandi hóp Svansvottaðra fyrirtækja sem eru nú orðin 31 talsins.

Eigendur Pixel eru þeir Halldór Friðgeir Ólafsson og Ingi Hlynur Sævarsson og hafa þeir rekið fyrirtækið í núverandi mynd frá 2003, þó hægt sé að rekja sögu fyrirtækisins aftur til ársins 1998. Pixel hefur stækkað jafnt og þétt undanfarin 13 ár og í dag starfa 18 manns hjá fyrirtækinu bæði í höfuðstöðvum þess í Reykjavík sem og í útibúi fyrirtækisins á Ísafirði.

Svanurinn er opinbert umhverfismerki Norðurlandanna sem byggist á óháðri vottun og viðmiðum sem taka tillit til alls lífsferils vöru og þjónustu. Alls er hægt að votta yfir 60 mismunandi vöru- og þjónustuflokka. Kröfur Svansins fyrir prentsmiðjur miðast að því að draga úr neikvæðum umhverfisáhrifum frá öllu prentferlinu, allt frá uppruna hráefna til meðhöndlun úrgangs. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn