Umsækjendur um stöðu skólameistara Menntaskólans á Egilsstöðum

Umsóknarfrestur um stöðu skólameistara Menntaskólans á Egilsstöðum rann út mánudaginn 8. apríl sl. Mennta- og menningarmálaráðuneyti bárust átta umsóknir um stöðuna, frá einni konu og sjö körlum.

Umsækjendur eru:

Árni Ólason, áfangastjóri,
Birgir Jónsson, sviðsstjóri,
Eyjólfur Pétur Hafstein, grunnskólakennari,
Hamidreza Jamshidnia, rannsakandi og sérfræðingur,
Kristian Guttesen, grunnskólakennari,
Magnús Kristjánsson, framhaldsskólakennari,
Sigrún Hólm Þorleifsdóttir, framhaldsskólakennari og
Sigurður Þórður Ragnarsson, framhaldsskólakennari.

Miðað er við að mennta- og menningarmálaráðherra skipi í stöðuna til fimm ára frá 1. ágúst 2016, að fenginni umsögn hlutaðeigandi skólanefndar, sbr. 1. mgr. 6. gr. laga um framhaldsskóla, nr. 92/2008 og lög um réttindi og skyldur starfsmanna ríkisins nr. 70/1996, með síðari breytingum.