Umhverfis- og auðlindaráðuneytið

Ný reglugerð um meðferð elds og varnir gegn gróðureldum

Sina

Umhverfis- og auðlindaráðuneytið hefur gefið út reglugerð um meðferð elds og varnir gegn gróðureldum.  Markmið reglugerðarinnar er að vernda um· hverfið og heilsu fólks með því að koma í veg fyrir mengun af sinubrennu, öðrum gróðureldum og meðferð elds á víðavangi. Þá er einnig markmið reglugerðarinnar að tryggja öryggi og vernd lífs og eigna.

Reglugerðin kveður á um þær reglur sem gilda um meðferð elds á víðavangi og þá skyldu hvers og eins að gæta ítrustu varkárni við meðferð elds. Sérstaklega er fjallað um sinubrennu, sem er óheimil nema á lögbýlum þar sem stundaður er landbúnaður en hún er einungis heimil í rökstuddum tilgangi í jarðrækt eða búfjárrækt og þá samkvæmt skriflegu leyfi sýslumanns. Einnig þarf leyfi fyrir bálköstum og brennum og er í reglugerðinni fjallað um þau skilyrði sem þarf að uppfylla til að fá slíkt leyfi.

Reglugerðin er sett með stoð í 7. gr. laga  nr. 40/2015 um meðferð elds og varnir gegn gróðureldum. 

Reglugerð um meðferð elds og varnir gegn gróðureldum  

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn