Velferðarráðuneytið

Viðhorfs- og aðstöðumunur íbúðaeigenda og leigjenda

Framboð leiguhúsnæðis - mynd

Tvær viðamiklar kannanir á húsnæðismálum sem varpa ljósi á stöðu leigjenda og íbúðaeigenda sýna mikla þörf fyrir aukið framboð leiguhúsnæðis hér á landi. Niðurstöðurnar sýna einnig viðhorfs- og aðstöðumun í mörgum efnum eftir því hvort um eigendur eða leigjendur er að ræða.

Eygló Harðardóttir, félags- og húsnæðismálaráðherra, kynnti niðurstöður þessara kannana á opnum fundi á Grand hótel í morgun sem velferðarráðuneytið stóð fyrir. Á annað hundrað manns sóttu fundinn.

Könnunin meðal leigjenda sýnir að leiga nemur að meðaltali um 42% af ráðstöfunartekjum heimilis. Um 12% leigjenda greiða leigu sem er innan við 25% af ráðstöfunartekjum heimilisins en það er það markmið sem sett er fram í frumvarpi félags- og húsnæðismálaráðherra um almennar félagsíbúðir.

Um 90% leigjenda og svipað hlutfall íbúðaeigenda telja óhagstætt að leigja íbúðarhúsnæði hér á landi um þessar mundir og rúmlega 80% aðspurðra í báðum hópum telja of lítið framboð af hentugu íbúðarhúsnæði til leigu.

Úrtak í könnununum sem Gallup framkvæmdi voru leigjendur/eigendur húsnæðis 18 ára og eldri af öllu landinu úr Þjóðskrá og viðhorfahópi Gallup. Könnunin var lögð fyrir í tveimur hlutum, samtals voru lagðar fyrir rúmlega 260 spurningar og var framkvæmdatíminn  19. nóvember til 9. desember 2015.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn