Uppskeruhátíð Biophilia menntaverkefnisins í Reykjavík
Biophilia menntaverkefnið var eitt af formennskuverkefnum Íslands í Norrænu ráðherranefndinni árið 2014. Verkefnið er leitt af Mennta- og menningarmálaráðuneytinu og stendur út árið 2016.
Síðastliðin þrjú ár hafa skólar frá Finnlandi, Svíþjóð, Noregi, Danmörku, Íslandi, Færeyjum, Álandseyjum og Grænlandi tekið þátt í Biophilia menntaverkefninu með styrk frá Norrænu ráðherranefndinni.
Á uppskeruhátíðinni má sjá afrakstur þess frjóa starfs sem farið hefur fram í leikskólum, grunnskólum og frístundamiðstöðvum í Reykjavík í norrænu samstarfsverkefni um Biophiliu. Á hátíðinni eru Biophilia sköpunarverk kynnt og sýnd af börnunum með tónlist, máli og myndum. Þátttakendur í verkefninu eru: Austurbæjarskóli, Dalskóli, Frístundamiðstöðin Gufunesbær, Fossvogsskóli, leikskólinn Miðborg, leikskólinn Kvistaborg, Sæmundarskóli, Vogaskóli.
Spenntir áhorfendur
Sýningarstjóri er Curver Thoroddsen listamaður.
Biophilia menntaverkefnið er samstarfsverkefni Mennta- og menningarmálaráðuneytis, Norrænu ráðuherranefndarinnar, Reykjavíkurborgar, Háskóla Íslands og Bjarkar Guðmundsdóttur.
Nánari upplýsingar um verkefnið má finna hér